[b]السلام عليكم يا اعضاء الجروب وكل عام وانتم بخير انا اسمى محمد من القاهرة تعرضت لمشكلة كبيرة جدا لحد دلوقتى لسه مشكلة بس ممكن تصبح كارثه فى اى وقت المشكلة هى انى اشتريت جهاز تكييف .. ايوة جهاز تكييف لحد هما مفيش مشكلة ...المشكلة بأة ان الجهاز دا من شركة يونيون اير ويؤسفنى اقولكم ان الشركة دى سمعتها السيئة سابقاها فى كل مصر بس انا كنت اخر من بعلم المشكلة هى ان الجهاز اللى اشتريته كله اعطال يعنى بيسرب فريون والكارت بتاعه مكسور وبيعمل اصوات غريبة وهو شغال والاهم من دا كلة انه ممكن يشتغل لوحدة ويفصل لوحدة وكمان يحول من ساخن الى بارد لوحدة دون ان تقوم بأى ضبط للريموت كنترول... يعنى كمان فيه عفريت كلمت الصيانه كذا مرة ومفيش فايدة كل مرة بيجوا يكاشفوا عيب جديد فى الجهاز طلبت منهم انهم يغيروه رفضوا.. طلبت ياخدوا الجهاز خالص ويرجعوا مقدم التقسبط اللى انا دافعة رفضوا بردوا طلبت ياخدوا الجهاز من غير مايرجعوا اى فلوس ويرجعوا الكمبيالات وايصال الامانه رفضوا بلغت حماية المستهلك معملوش حاجة عملت للشركة محضر فى القسم وبعت لهم انذار انهم يحلوا المشكلة دى وبعت لهم انذار تانى مفيش فايدة الكارثة باة انهم رافعين على قضيتين وطالبين منى مبلغ ضعف تمن الجهاز وعاوزين يحبسونى كمان تخيلوا انا دا بيحصل انا مش طلب منكم اى حاجة غير ان اى حد يشوف الرسالة دى يدعيلى ان ربنا ينصرنى عليهم ويحاول ينشر الرسالة دى على قد مايقدر عشان كل الناس تدعى لى ان ربنا يفك ازمتى وينصرنى علهم وكمان عشان كل الناس تعرف حقيقة الشركة دى والسلام عليكم
[/b]
